Zjarrfikësit që hynë të parët në shtëpinë e Zhaneta Josifit, hasën me një skenë makabër.<br /><br />Trupi i 56-vjeçares, ishte pa shenja jete në një nga dhomat e banesës në katin e tretë të një pallati në lagjen Kombinat të Tiranës.<br /><br />Diku më tej, shtrohej vajza e saj, Blerta Josifi ende e gjallë, por në gjendje të rëndë.<br /><br />Por tragjedia nuk mbaronte me kaq. Në dhomën tjetër ata kanë parë një trup tjetër të pajetë dhe të dekompozuar, i lyer me disa vajra që fillimisht ka shkaktuar habi.<br /><br />Më vonë ekspertët e policisë arritën në përfundimin se trupi i dekompozuar ishte ai i Anisa Josifi, vajzës tjetër të Zhanetës, e cila dyshohet se kishte ndërruar jetë prej disa muajsh.<br /><br />Nga kontaktet me familjarët, ekspertët e policisë kanë kuptuar se Zhaneta Josifi dhe dy vajzat e saj ishin pjesë e sektit të Dëshmitarëve të Jehovait.<br /><br />Shkaqet e vdekjes mbeten ende për t?u konfirmuar, por ekspertët e policisë deri më tani mendojnë se kemi të bëjmë me një vetëflijim të 56-vjeçares dhe vajzave të saj, të cilat nuk konsumonin ushqim.<br /><br />Policia ishte njoftuar nga daja i dy vajzave, i cili tha se e motra dhe mbesat nuk i hapnin telefonin. Zjarrfikësit janë futur nga dritarja e banjos brenda banesës për të hapur derën.<br /><br />Një burim policor i tha televizionit Klan se Anisa Josifi ka vdekur 4-5 muaj më parë, por trupi është mbajtur aty, duke predikuar rite fetare me shpresën se do të ringjallej.<br /><br />Sipas Drejtorit të Policisë Tiranë, Rebani Jaupi, janë gjetur edhe shkrime të shumta fetare.<br /><br />Daja i vajzave ka dhënë dëshmi në polici dhe është shprehur që sa herë shkonte te banesa, mbesa dhe motra i justifikoheshin gjithmonë se Anisa flinte gjumë, ndërkohë që ajo kishte vdekur.<br /><br />Banorët e zonës tregojnë se 3 gratë prej muajsh nuk dilnin nga banesa, aq sa ata lajmëruan policinë 3 javë më parë.<br /><br />Ndërkohë Blerta Josifi ndodhet në gjendje të rëndë për jetën në Spitalin e Traumës. Ajo është e vetmja që mund të shpjegojë për policinë shkakun dhe llojin e riteve fetare që po ndiqnin.<br /><br />Tv Klan<br /><br /><br />SUBSCRIBE to ?RTV KLAN? on YouTube for more videos!<br /><br />Për më shumë informacione vizitoni faqen tonë web https://tvklan.al/<br />Videot e fundit nga Tv Klan i gjeni në faqen https://tvklan.al/video/<br />Follow Tvklan on Facebook: https://www.facebook.com/tvklan/<br />Follow rtvklan on Instagram: https://www.instagram.com/rtvklan/<br />Programet e Tv Klan mund t?i ndiqni edhe në faqen https://tvklan.al/programe/
